[ 轉貼 ] 拍拖协议，一定要睇

nimei

1.唔准同任何16岁以上40岁以下无血缘关係嘅女性单独外出或者倾超过10分钟电话。
2.我唔会check你嘅来电显示，但係你最好唔好俾我听到你同不明來历嘅女人讲电话。
3.我有嘢做得唔岩你可以话我，不过唔准好恶咁话我，要慢慢讲道理，有耐心D。
4.唔可以逼我做我唔钟意做既野。
5.我钟意收到你嘅SMS，几肉麻我都顶得顺架。
6.每日起碼要打一次电话俾我，因为我会好挂住你。
7.你要俾我知你去咗边，我唔係要check你行踪，我只喺担心你安全。
8.我哋未必可以一生一世，但希望你同我一齐嘅時候，每一刻都对我认真。
9.你心里面啉D咩，一定要同我讲，因为我好蠢，你唔直接同我讲我唔会知道。
10.我去咗玩而又唔係同你一齐，你叫我玩得开心D嘅話，我会以为你唔爱我唔紧张我唔想要我，你应该要同我讲唔好玩咁夜啊，翻屋企小心D啊之类嘅，最好你嚟接我翻屋企添。
11.如果你要出去玩嘅最好就带埋我去，如果实在唔得嘅话就早D翻屋企俾个电话我，因为我会係屋企担心你，训唔着。
12.我希望你会記得一切嘅大时大节生日同紀念日，我唔会提，亦会扮大方，但唔代表我唔会在意。
13.喺我发脾气提出分手時，你唔准当真。
14.唔准對我讲大話，我最憎人呃我，虽然你话呃我喺唔想我唔开心，但喺俾我知道你呃我，咁样我会更加唔开心。
15.唔准一脚踏两船 (或以上)。
16.我唔需要你对我许下关于以后嘅某种承诺，我只想你肯定你对我依家嘅感觉，因为以后嘅事无人可以预测到。
17.如果我迟到，都只係因為我想着靚D见你，所以你唔好闹我。
18.我发信息俾你，你一定要复我，唔系我会担心你因为咩事而复唔到我。
19.我唔係专登骚扰你，我只係想等你知道我几咁掛住你。
20.你要好锡好锡我，因为你唔锡我就无人锡我架啦，当然我都会好锡你架。
21.我唔喺贪心嘅人，唔一定要钻石同珍珠，就算你送易拉环盖俾我都會一样咁开心，最重要喺睇你有无心。
22.同你D朋友出去食飯，你唔使成日理住我，我唔会埋怨你嘅，不过你要記得我係你身边就得。
23.我钟意人浪漫，耐唔耐諗D浪漫嘅嘢嚟氹下我，都唔会好过分卦。
24.我知道你无可能每秒鐘都掛住我，但係如果你全日都无啉起我，我会好惊架。
25.如果有一日你郁手打我，我一定會走。
26.Shopping 時可以分道扬镳，但系你唔好企我隔离黑口黑面。
28.我好乐意同你行你钟意嘅铺头，你唔需要怕我闷，我会自得其乐。
29.如果你唔开心，你要同我讲，唔好扮无事，因为如果俾我发现我会比你更唔開心。
30.我唔介意你望靚女，介意嘅係有筍嘢睇你都唔同我讲。
31.我喊嘅時候，你一定要氹我，因为我只会喺好伤心好伤心嘅時候先喊。
32.你最好有一首只係属于我嘅电话铃声，咁样我会觉得我喺你既唯一。
33.如果你无开口讲，我都为你去改变，代表我真心钟意你，请你珍惜我。
34.唔好乱咁作出承诺，因为我真係会当真咁记一世架。
35.因为我有一D唔係太开心嘅过去，对男人好无信心。所以请你用行动话俾我知你对我係认真嘅，你唔係玩玩下。 （呢条也是我选老公仔既标准之一）
36.你要对自己有信心，我唔会生翼，所以我唔识飞走。
37.我好野蛮任性，我知我都会为你而改，不过需要时间。
38.我发脾氣cut你线，你唔使即時打翻电话俾我，但喺要发信息俾我。
39.你煮野俾我食，就算只係一碗餐蛋面，我都会开心过食鵝肝。
40.虽然我对你嘅恋爱史好有兴趣，不过都过佐去咯，只要你依家最爱嘅人係我就足够啦。
41.夜晚吾好关机，我怕我自己有事，第一时间稳吾到你。
42.我好憎人唔信我，怀疑我。
43.一個男人对女人最大嘅尊重係向佢求婚，其次係帶佢返去同父母食飯。
44.我希望你间唔中都会俾D小惊喜我，係「小惊喜」，唔係「大惊喜」。
45.如果有人追我，我会同你讲，你最好唔好扮大方。
46.如果有人追你，记得同我讲，我会用扫把扫走佢。
47.好遗憾我无机会细细个就识得你，所以宜家请你俾多D时间我，俾机会我去了解你。
48.如果我成日管住你你觉得烦嘅话要同我讲，因为我憧憬我以后都可以管住老公，而老公又乐意俾我管。 （我只想管的是我老公仔）
49.唔好话怕俾唔到幸福我而企图推开我，因为我最大嘅幸福就係同你一齐。
50.如果你有D咩坏习惯我唔钟意既，我要你改，你一定要改，因为我只喺想你好。